НОМАЕ БА ҲАЗРАТИ ИҚБОЛ

АЗ МОВАРОИ 100 СОЛ

Шабе бигристам бо рӯҳи Иқбол,

Ки аз он рӯзгорон рафта сад сол:

Ҳамон мулло, ҳамон сўфӣ, ҳамон шайх,

Ҳамон ғафлат, ҳамон хорӣ, ҳамон ҳол.

                       ***

Ба мулло бастам аҳди ошноӣ,

Вале уфтод байни мо ҷудоӣ.

Муроди ман Худои аззу ҷалл буд,

Муроди ҳазрати мулло худоӣ.

                       ***

Чу аз ёди висоли ёр мастам,

Чӣ сон оини муллоро парастам?

Аз он бесуннату бемазҳабам хонд,

Ки ман аз хони кас локӣ набастам.

                       ***

Зиҳӣ муфтӣ, ки фатворо фурўшад,

Зиҳӣ шайхе, ки тақворо фурўшад.

Аҷаб гарм аст бозори хиёнат,

Зиҳӣ мулло, ки муллоро фурўшад.

                      ***

Маро бо аҳли мазҳаб арз бошад,

Ки шояд гуфтани он қарз бошад.

Ҳамон рише, ки аз суннат ниҳодӣ,

Ба дасти шона додан фарз бошад.

                     ***

Ҳама мулло ба мулло дар хилоф аст,

Ба даври Каъбаи худ дар тавоф аст.

Чу аз ваҳдат сухан гуфтам ба пешаш,

Бигуфто мазҳаби мо ихтилоф аст.

                     ***

Ту мегўйӣ мусалмон бешумор аст,

Ҳазор андар ҳазор андар ҳазор аст.

Намегўйӣ, ки аз фақру ҷаҳолат,

Ҳама вобаставу маҳруму хор аст.

                     ***

Миёни эҳтиёҷу фақру ҳирмон,

Намерўяд гиёҳи ишқу имон.

Зи дини Мустафо бӯе набурда,

Агар бо ҷаҳл дарсозад мусалмон.

                    ***

Мусалмоне, ки ахлоқаш накӯ нест,

Зи нури Мустафо чизе дар ӯ нест.

Агар дарёи дониш гашта бошад,

Варо дар маҳфили мо обрў нест.

                  ***

Варо дар маҳфили мо обурӯ нест….

 28 – Мақоларо хонданд,  1 – Имрӯз хонданд

Total Views: 10 ,

Добавить комментарий

Ваш адрес email не будет опубликован. Обязательные поля помечены *

Пайгирӣ кунед

Facebook Youtube