АЗ ДИДГОҲИ ДАВЛАТ…

ҶАШНИ ТАНТАНАИ ДАВЛАТДОРӢ —

РӮЗИ ПРЕЗИДЕНТ ГИРОМӢ БОД!

Ҳамчун ҳабиби давлат, ҳамчун сипоҳи давлат,

Қарзе азим дорам, дар пешгоҳи давлат.

                              ***

Асрори мулкдорӣ «тафсири ин ду ҳарф аст»:

Давлат паноҳи мардум, мардум паноҳи давлат.

                              ***

 Давлат ҳамин ману ту, ин марзу ин диёр аст,

Ҳар санг лаъл бошад андар нигоҳи давлат.

                              ***

Ҳар фард як ҷаҳон аст, як узви хонадон аст,

Гар бингарӣ ба мардум аз дидгоҳи давлат.

                              ***

Андешаи ғуломӣ бояд фурӯ гузорад,

Қавме, ки мегузорад бар сар кулоҳи давлат.

                             ***

Бе пойгоҳи давлат миллат бақо надорад,

Таърих худ гувоҳ аст аз ҷойгоҳи давлат.

                             ***

Болотар аз раёсат, болотар аз сиёсат,

Болотар аз ҳукумат бошад салоҳи давлат…

                            ***

Як тора шамъ гаштам, як пора рўшноӣ,

То ҳеҷ гаҳ набинам рӯзи сиёҳи давлат.