ГУЗАРЕ ШЎХ АЗ ЁВОН

Чойи барги кокутӣ, нони гарми дедонӣ,

Чормағзи коғотӣ, оши мурғимарҷонӣ,

Пистаи лаби хандон, чеҳраҳои нуронӣ,

Меҳрубонтарин тоҷик, инқилоби меҳмонӣ!

Хонатон пур аз гандум, дўстони ёвонӣ!

                            ***

Боғи «Ҳайкали модар», растаҳои райҳонӣ,

Ҳар шиору овеза мактаби хиёбонӣ,

Рӯҳи зиндаи миллӣ, набзи тоҷикистонӣ,

Маслакию фарҳангӣ, маънавию ирфонӣ,

Хонатон пур аз гандум, дўстони ёвонӣ!

                            ***

То ғуруб хушгўйӣ, то саҳар ғазалхонӣ,

Ҳазлу хандаю усал, субҳу зуҳру бегонӣ,

Лаҳҷаи шакарбезӣ, санъати маталмонӣ,

Зираку зарофатгў, чун убайди Зоконӣ.

Хонатон пур аз гандум, дўстони ёвонӣ!

                                                05.12.2021