НЕЪМАТИ САМАРҚАНДӢ…

Мазҳари ҳадафмандӣ,

Рамзи решапайвандӣ.

Ҳарчи мебуридандат,

Ҳеҷ дил намекандӣ.

Баски пора шуд модар,

Сахт буд фарзандӣ.

Метанӣ ду сӯи марз,

Ҳамтанию монандӣ.

Ҳар саҳар ба рӯи марг,

Ҳамчу субҳ механдӣ.

Бо аробаи дастӣ,

Порсотар аз Гандӣ.

Заъфро ту нашносӣ,

Дардро ту напсандӣ.

Бошарафтарин озод,

Бегунаҳтарин бандӣ.

Сар ба сар ҳама дарсӣ,

Сар ба сар ҳама пандӣ.

Порсии тоҷикӣ,

Неъмати САМАРҚАНДӢ…

 158 – Мақоларо хонданд,  1 – Имрӯз хонданд