ҲӮШДОР Ё МАНЗАРАЕ, КИ БОЯД ҲАРГИЗ ФАРОМӮШ НАШАВАД….

Дар ҳошияи шеъри зебои устод Озар назме дар тасвири манзараи фурудгоҳи Кобул ва сарозерии мардум ба ҳавопаймоҳо гузошта будам. Имрӯз дӯстон хабар доданд, ки пораҳое аз ин тасвири фоҷеаи мудҳиш дар суҳбатҳои пеш аз ҷумъа низ истифода ва хонда шудааст, то мардум қиёси ақлонии вазъи зиндагии худро дарёбанд.

Бале, ҳақиқат маҳз дар қиёс рӯшан мешавад, хусусан ҳақиқати амнияти беқиёси ин сарзамини соҳибҷашн.

Бо орзуи пояндагии зиндагии осудаи мардуми диёр, ин сатрҳои содаро, ки ҳамагӣ дар як қофия омадаанд, ин ҷо низ мегузорам.

Ҳӯшдор ва манзарае, ки бояд ҳаргиз фаромуши касе нашавад:

То вораҳанд аз қавми барбар дар

                                                          ҳавопаймо,

Печида дарвешу тавонгар дар ҳавопаймо,

Марду зану кокову кокар дар ҳавопаймо,

Ворехтанд аз бому аз дар дар ҳавопаймо,

Хоҳар ба майдону бародар дар ҳавопаймо,

Хоҳарбузург ин ҷову хоҳар дар ҳавопаймо,

Фарзанд ҷо мондасту модар дар

                                                        ҳавопаймо,

Як осмон дилҳои пар-пар дар ҳавопаймо,

Гум гашта баҳси дину кофар дар

                                                           ҳавопаймо,

Як миллате бо дидаи тар дар ҳавопаймо,

Лаъни Ғаниву таъни Атмар дар ҳавопаймо,

Мардум намегунҷад саросар дар

                                                          ҳавопаймо,

Биншаста ҳатто берун аз дар дар

                                                             ҳавопаймо,

Болои болу чарху панчар дар ҳавопаймо,

Ҳангомае аз Рӯзи маҳшар дар ҳавопаймо…

Чун монда буд умеди охар дар дар

                                                               ҳавопаймо,

Ҳамчун Худо карданд бовар дар

                                                              ҳавопаймо,

Рафтанд то марги муқаррар дар

                                                               ҳавопаймо…

Бигристам бо шеъри Озар… дар

ҳавопаймо.

Total Views: 72 ,

Добавить комментарий

Ваш адрес email не будет опубликован.