ДОСТОНИ ИСТИҚЛОЛ

Бо салому эҳтиром,

Имрўз Кумитаи ҷавонон дар толори ДМТ маҳфили бузурги адабии «Тараннуми Истиқлол»-ро баргузор намуд, ки дар он ҳамроҳ бо устод Аскар Ҳаким ва бону Шоҳона Сулаймонӣ ширкат доштем. Ҳама аз Истиқлол мегуфтанду месуруданд.

Ва ин шеър, ки бо хоҳиши оҳангсозони азиз бар вазну мазмуни суруд навишта шуд, чун дастагуле аз он маҳфил тақдими дӯстон мегардад.

ДОСТОНИ ИСТИҚЛОЛ

Достони рангин аст достони Истиқлол,

Чун набишта бо хунаш қаҳрамони

                                                                Истиқлол.

Мерасад ба гардунҳо аз расонаи миллат,

Бо забони тоҷикӣ, бо забони Истиқлол.

Шонаҳои мо бошад такягоҳи сангинаш,

Хонаҳои мо бошад, хонадони Истиқлол.

Шукри оби беминнат, шукри нони

                                                                беминнат,

Шукри оби Истиқлол, шукри нони

                                                                Истиқлол.

Рўи тахтаи мактаб дарси сулҳ мехонанд,

Кўдакони хушбахтӣ, ахтарони Истиқлол.

Дар замини аҷдодӣ, дар қаламрави шодӣ,

Сабз шав, ҷавонӣ кун, эй ҷавони Истиқлол!

Оби ин қаламрав шуд, як навори озодӣ,

Хоки ин қаламрав шуд, парниёни

                                                              Истиқлол.

Соҳиби Ватан гаштем дар паноҳи иқболаш,

Соҳиби замон гаштем дар замони Истқлол.

Насли тозаи миллат ҳар яке ватандор аст,

Ҷоннисори истиқлол, ҷонфишони

                                                                Истиқлол.

То абад чароғон бод, то абад дурахшон бод,

Ин диёри озодӣ – армуғони Истиқлол.

Total Views: 118 ,

Добавить комментарий

Ваш адрес email не будет опубликован.