НАЗМЕ АНДАР ҲАМОСАИ МИЛЛИИ «МАРЗ – 2021»

Аз ҳар дару даричаву ҳар хона мавҷ хест,

Аз ҳар сарою кулбаю кошона мавҷ хест.

Дар шаҳру дар ҷамоату дар деҳа саф

                                                                        кашид,

Ҳар шаҳру ҳар ҷамоату ҳар деҳа саф

                                                                        кашид.

Бо даъвати Ватан ҳама хурду калон расид,

Бо даъвати Ватан ҳама пиру ҷавон расид.

Бо даъвати Ватан ҳама миллат басеч шуд,

Миллат ба даври меҳвари давлат басеч

                                                                         шуд.

Мардум ба ҳам таниду сипоҳи азим гашт,

Пайванди зиндаи ҳамагон мустақим гашт.

Ҳар гурзу теғу дашнаву шамшер «Марз!»

                                                                       гуфт.

Ҳар пил наъра дарзаду ҳар шер «Марз!»

                                                                      гуфт.

Аз чор сӯ суруду садои “Ватан!” расид,

Бонги ғурур аз ҳама ҷойи Ватан расид.

Ҳар симчўбу нахли хиёбон ба пой шуд,

Аз мавҷхези тантана тўфон ба пой шуд.

Бори дигар таронаи умед офарид,

Бори дигар ҳамосаи ҷовид офарид.

Яъне, ки саф кашида ҳама бо сари баланд,

Бо ҷон сипар шавем дар ин сангари

                                                                       баланд!

Яъне, бидон, ки мо ҳама бозуи давлатем!

Яъне, бидон, ки мо ҳама нерӯи ваҳдатем!

Яъне, ки рӯзи ҳодиса миллат сипоҳи мост,

Марзи муқаддаси Ватан андар паноҳи

                                                                       мост!

 22 – Мақоларо хонданд,  1 – Имрӯз хонданд

Total Views: 9 ,

Добавить комментарий

Ваш адрес email не будет опубликован. Обязательные поля помечены *

Пайгирӣ кунед

Facebook Youtube