СЎГИ УСТОД САЛИМШОҲ

Як боғ зи боғҳои ризвон кам шуд,

Як дашт зи даштҳои армон кам шуд,

Як тор зи тори риштаи ҷон кам шуд,

Як тоб зи офтоби тобон кам шуд!

Як рӯшану ошкору урён кам шуд,

Як пой зи пояҳои виҷдон кам шуд,

Як нусха зи нусхаҳои Инсон кам шуд!

Як зина зи иқтидору имкон кам шуд,

Як санг зи паллаҳои мизон кам шуд,

Як раста зи растаҳои райҳон кам шуд,

Як боб зи бобҳои ирфон кам шуд,

Як роз зи ҳикмати ниёгон кам шуд,

Як шоҳ зи насли шаҳсаворон кам шуд!

Як бурҷ зи бурҷҳои Шуғнон кам шуд,

Як кӯҳ зи пайкари Бадахшон кам шуд…

Устод Салимшоҳ ҳам аз мо рафт,

Як шоҳсутуни Тоҷикистон кам шуд!

 239 – Мақоларо хонданд,  1 – Имрӯз хонданд